Resultado di NIPT

1. No tin indikashon di un apnormalidat di kromosoma

Aproksimadamente 993 di kada 1.000 persona na estado ta haña e resultado akí. E resultado akí ta kuadra kasi semper. E chèns ta chikitu ku bo ta na estado di un yu ku un apnormalidat di kromosoma. Ménos ku 1 di kada 1.000 persona ta na estado di un yu ku un di e afekshonnan akí. No ta nesesario pa hasi mas tèst.

2. Tin indikashon ku tin un apnormalidat di kromosoma

Aproksimadamente 7 di kada 1.000 persona ta haña e resultado akí. Posiblemente bo ta na estado di un yu ku un apnormalidat di kromosoma. E ora ei tin dos posibilidat:

1. Tin un indikashon ku por tin síndrome di Down, Edwards òf Patau. Bo partera ta yama bo. E ta bisa bo kua di e tres afekshonnan akí bo yu posiblemente tin.
2. Tin un indikashon ku por tin otro apnormalidat di kromosoma. Bo partera ta yama bo pa plania un videocall ku bo partera i un dòkter (genetista klíniko) di Amsterdam UMC. Durante e videocall bo ta haña splikashon tokante kiko a deskubrí i kiko esaki ta nifiká pa bo yu i pa bo mes. Tin espasio pa bo hasi pregunta tambe.

Bo por skohe pa hasi tèst adishonal pa ta sigur.

3. E tèst no a bai bon

Serka 20 di kada 1.000 persona no ta logra hasi NIPT i no ta haña resultado. Esaki por tin diferente motibu. Si NIPT no bai bon serka bo, bo por laga hasi e tèst un biaha mas. E ora ei bo tin ku bolbe kue sanger. Serka mas o ménos 4 di kada 5 persona na estado ta logra hasi NIPT despues sí.

Tin biaha e di dos biaha ku ta hasi NIPT tampoko no ta bai bon

Esaki por tin diferente motibu. E motibu ta pará den e karta ku e resultado. Mayoria biaha e motibu ta ku tin muchu tiki material genétiko (DNA) di e plasènta den sanger di e mama. E DNA akí ta kasi semper meskos ku esun di e yu i ta tèst den e NIPT. Si e NIPT no bai bon pa e di dos biaha, bo por laga hasi e NIPT un biaha mas.