Resultado di e ekografia di 20 siman

1. No tin indikashon ku tin un apnormalidat. 

Esaki ta e resultado di 950 di kada 1.000 persona na estado. No ta nesesario pa hasi mas tèst.

2. E spesialista di ultrazonido ke hasi un ekografia un biaha mas

E resultado akí bo ta haña ora e spesialista di ultrazonido no por mira bo yu bon. Esaki no ta nifiká nesesariamente ku tin algu robes ku bo yu. Por ta ku bo yu simplemente ta drumí di tal manera ku e spesialista di ultrazonido no por wak e bon. E spesialista di ultrazonido tin duda? E ora ei ta puntra bo si bo ke bini bèk otro biaha.

Ta hasi e ekografia un biaha mas.

3. A mira algu desviante. Un tèst adishonal ta nesesario pa ta sigur.

E resultado akí bo ta haña ora e spesialista di ultrazonido mira algu desviante. Ta nesesario pa hasi mas eksaminashon pa sa kiko bo yu tin presis. I kiko esei ta nifiká pa bo yu.

Bo por skohe pa laga hasi tèst adishonal. Abo mes ta disidí si bo ke laga hasi tèst adishonal.

4. A mira algu desviante. No ta nesesario pa hasi tèst adishonal.

E resultado akí bo ta haña si e spesialista di ultrazonido mira algu ku no ta grave. I ku mayoria di biaha ta bai di mes.

Mas lat den bo embaraso bo ta hasi un ekografia mas. E ora ei e spesialista di ultrazonido ta kontrolá si loke el a mira enbèrdat a bai di mes.