Skrinen prenatal na Hulanda Karibense

Durante bo promé bishita bo partera ta puntra si bo ke sa mas tokante tèst di apnormalidat di kromosoma i tèst di apnormalidat físiko.

Tin dos opshon:

1. Bo no ke sa nada di e tèstnan. E ora ei bo no ta haña informashon ni tèst.
2. Bo ke sa algu di e tèstnan. Bo ta haña un kòmbersashon ekstenso (counseling) e ora ei. Despues di e kòmbersashon akí bo ta disidí si bo ke hasi e tèst(nan):
   • NIPT: sí òf nò
   • E ekografia di 20 siman: sí òf nò

Bo ke hasi tèst òf nò? Ta abo ta disidí

NIPT i e ekografia di 20 siman no ta obligatorio. Abo mes ta disidí si bo ke hasi un òf mas tèst i kiko bo ta hasi ku e resultado. Tambe ta posibel pa stòp na kualke momentu.