Home
Professionals

Ekografia di 20 siman

E ekografia di 20 siman ta un eksaminashon médiko di apnormalidat físiko. Un apnormalidat físiko ta nifiká ku un parti di e kurpa di e yu tin un aspekto diferente for di normal. Ehèmpel di apnormalidat físiko ta un spina bífida (lomba habrí), kráneo habrí, kabes grandi, apnormalidat di kurason, buraku den diafragma, buraku den stoma (buikwand), apnormalidat di nir òf di wesu.

Bo mes ta disidí si bo ke hasi e eksaminashon akí.

Resúmen di ekografia di 20 siman

  1. Bo ta na estado.

    Bo ta traha un sita serka bo partera. Bo partera ta puntra si bo ke sa mas di e NIPT i e ekografia di 20 siman.

  2. Un kòmbersashon ekstenso.

    Bo ta haña un kòmbersashon ekstenso ku bo partera pa yuda bo skohe. Kuantu informashon bo ke durante bo embaraso? Si bo tende ku bo yu tin un apnormalidat físiko, kiko bo ke hasi e ora ei?

  3. E ekografia.

    Bo ta laga hasi e ekografia di 20 siman. Esaki por den siman 18, 19 òf 20 di e embaraso.

  4. Resultado.

    Bo ta haña resultado mesora di e spesialista di ultrazonido.

  5. Opshonal: tèst adishonal.

    Si bo haña un resultado desviante, bo por skohe pa hasi mas tèst. Ku esei bo por sa sigur si bo yu tin un apnormalidat físiko.

Vidio

Kon e ekografia di 20 siman ta bai? Wak e vidio.

FAQ

Pregunta frekuente di e ekografia di 20 siman

Downloads